Shefja e Grupit Parlamentar e Lëvizjes Vetëvendosje, Mimoza Kusari-Lila ka thënë se ka folur vetëm një herë me Radoiçiqin, dhe atë në gjuhën shqipe.

“Ajo nuk është bisedë e imja, është bisedë e montuar, vetëm një bisedë kam bërë në gjuhën shqipe”.

Kusari-Lila tha se ka paraqitur rastin në polici dhe se ka kërkuar ekspertizë të thellë.

“Një matematikë e thjeshtë e tregon se nuk kemi pasur nevojë për ta. Në korrik 2023, 13 muaj nga largimi i Listës Serbe nga Kuvendi i Kosovës. Vetëm një bisedë përmes telefonit, ka ndodhur me insistim për çështje të sigurisë për Marrëveshjen e Energjisë. Nuk e ndërroj as një pikë as presje nga deklaratat e mia”, tha Kusari-Lila.

Sipas saj, pastrimi i figurës së kryekriminelit Radoiçiq nga mediat është për keqardhje.

Për Listën Serbe, Kusari-Lila shprehet se është organizatë kriminale.

“Lista Serbe e ka dëshmuar se është organizatë kriminale, dhe nuk kanë mundur ta shantazojnë Qeverinë Kurti”, është shprehur ajo gjatë një konference për media./Arbresh.info/